شكاوي المواطن

شكاوى مواطنين: ” كل ما تأخر الطبيب يوم بنقص يوم من حياة مرضى السرطان”

كرمول-شكاوى مواطنين|

“طولكرم مدينة حلوة وعريقة بتحتاج لكثير جوانب يجب الاهتمام بها واعطائها الاولاوية لانجازها، يجب البدء بالقطاع الصحي الي مع الاسف بتدمر كل سنة بدل ما يتم تطويره وتحسينه.

وموضوعي الذي أود الحديث عنه: ( لما يكون عندك موعد عند دكتور بالعيادات وطبيب وجوده مهم، لأنه طبيب لأصعب الأمراض المنتشرة وهو السرطان بتحجز قبل اسبوع وبتقعد على نار تستنى اليوم، بتروح تحط ملفك بالعيادة الساعة٨ الصبح، بتلاقي رقمك ٢٩، بتيجي على ١ بتحكي قرب دوري، وبتكون الصاعقة انو الطبيب مش مداوم اليوم!

مِضرِب! ليش ؟؟

لأنه ما بنعطيه حقوقه الكافية !! لأنه دكتور منيح، لأنه بعرف يعالج بعلمه!

والناس من ٨الصبح بتستنى! مع العلم الطبيب بداوم يوم واحد بالأسبوع، بكرر يوم واحد، بتروح بهاليوم وما بتلاقيه.

وضع المرضى خصوصاً بهذا المرض ربنا يعلم بحالهم وضعهم مأساوي، بتكون محدد موعد من أسبوع عشان ورقة، عشان تقرير عن حالة المريض الي كل ما استعجلنا فيها انقظنا حياته وكل ما تأخر بينقص يوم، فإحنا بحاجة ماسة لأخصائي اورام بالمستشفى الحكومي، لأنه 3 أسابيع والمرضى على نار “.

المرسل: المواطن أحمد عبد السلام

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *